Saamwoonpaartjies sondig nie, totdat...deur Jan Coetzer

[Charlene]

Gesels saam hier oor:

Saamwoonpaartjies sondig nie, totdat...
deur Jan Coetzer
 2010-03-04 22:19
 

Die jongste wroeging in Christelike kringe oor paartjies wat saamwoon en die sogenaamde “voorhuwelikse seks” wat in die proses daarmee gepaard sal of mag gaan, verwys.

Christenpaartjies wat voor die voltrekking van ’n huwelikseremonie seksuele omgang het, kan hulle nie skuldig maak aan “voorhuwelikse seks” nie omdat daar volgens die Bybel glad nie sodanige aksie kan plaasvind nie.

In die vroeë fase van die Ou Testament was daar nie ’n ritueel soos die huwelikseremonie waar ’n derde persoon ’n paartjie in die huwelik bevestig het nie. Die man, soos bv. Abraham het vir hom ’n vrou gevat, haar “beken” – seksueel met haar verkeer – en was toe in die oë van God weens die geslagdaad, met haar getroud. Die seksdaad was dus gelykstaande aan die huweliksbevestigingseremonie soos ons dit vandag ken.

By implikasie kon en kan daar dus vir die Christen nie iets soos voorhuwelikse seks bestaan nie.

Waar getroude egpare van weleer mekaar sou verlaat, sou hulle soos vandag hulle ook aan egbreuk skuldig maak.

In Bybelse tye het daar geen dokumentasie ter bevestiging dat ’n “huwelik” voltrek is, bestaan nie. Ook het die tradisie om ’n huwelikbevestiger by ’n huwelikseremonie te betrek, eers laat in die Ou-Testamentiese tye sy beslag gekry.

Kan die tradisie van “vrouvat” van weleer vandag nog geldend wees? Verseker wel, want al wat verander het, is dat ons vandag gelisensieerde huweliksbevestigers het wat amptelike huweliksertifikate aan egpare uitreik. Wanneer ons beweer dat die huwelik deur God self ingestel is, moet ons erken dat al die rites, gebruike en administratiewe formaliteite rondom die huweliksbevestingplegtighede, wat God betref, mensgemaakte inisiatiewe is. Bykomend tot Sy primêre opdrag dat man en vrou kinders sal voortbring volgens die sedelike voorskrifte soos uitgestippel in die Ou Testament.

Christenpaartjies wat hedendaags saamwoon en kinders sou verwek, sou geensins sondig nie, maar dan wel ook net tot op die dag dat hulle sou besluit om mekaar te verlaat, want dan tree egbreuk in.

Met my standpunt propageer ek hoegenaamd nie die saamwoon van ongetroude paartjies nie. Inteendeel, ek beskou dit as hoogs riskant weens die potensiële administratiewe en juridies probleme wat kan opduik wanneer die saambly sou skipbreuk ly. Verder behoort elke sodanige paartjie die nodige sensitiwiteit en respek te openbaar teenoor die etiese en sosiale norme van die godsienstige en sosiale groepering waarvan hulle deel is.

Alle Christelike beoefenaars van die sg. “vrye liefede” met verskeie seksgenote, sluit dus in die oë van God met elke seksdaad, eintlik ’n “huwelik” en met elke verdere sekskapade met ’n volgende persoon, pleeg jy telkens owerspel, maar ook egskeiding. En God haat egskeiding.

[Chillyboy]

So paar jaar terug sou ek volkome met Jan saamgestem het, maar met die tyd het my siening bietjie hieroor verander.
Ek hoor wat Jan Coetzer sê, (of altans dit klink so) dat vandag se huwelike gaan net oor 'n stukkie papier.
Daardie stukkie papier is nie soseer vir die Christelike geloof sodat jy jou famielie en vriende kan wys dat julle getroud is nie, maar dit is eintlik vir die wêreld om te wys dat julle getroud is.
Die wêreld voel einltik 'n veer of jy saambly of nie, vir hulle gaan dit absoluut oor administrasie doeleindes. Dit gaan ook oor bewyse dat julle wel getroud is, omdat daar soveel bedrog is.
Bv. 'n Man werk by 'n Universiteit en omdat hy daar werk kan sy vrou en sy kinders gratis studeer by die Universiteit.
Dit klink vir my heel logies dat die Universiteit daardie klein wit papiertjie gaan vra as BEWYS dat julle wel getroud is. As dit nie meer nodig is om te trou nie wat se bewysse sal die Universieteit hê dat julle wel getroud is en dat die kinders wat jy het wel joune is. As gevolg van die bedrog in ons land, kan die vrou wat gratis wil studeer maklik die man se suster wees of 'n vriendin van hom en die kinders maklik iemand anders se kinders wees.
Die Universieteit was net 'n voorbeeld, maar verskeie maatskapeie gaan 'n probleem daarmee hê omdat die wederhelfde as "een" gesien word met sy huweiliks maat.

Uit die Christelike oogpunt sien ek dit egter so:
1 Kor 7:8 & 9 Het Paulus gesê aan die ongetroudes as hulle nie self kan beheers nie (En hier praat hy van seks) is dit beter om te trou as om te brand van begeerte.
Hy so nie so 'n stelling gemaak het, as dit reg was om net saam te bly nie.

1Ti 4:1-3 Maar die Gees sê uitdruklik dat in die laaste tye sommige van die geloof afvallig sal word en verleidende geeste en leringe van duiwels sal aanhang deur die geveinsdheid van leuenaars wat gebrandmerk is in hulle eie gewete, wat verbied om te trou en gebied dat die mense hulle moet onthou van voedsel wat God geskape het om met danksegging gebruik te word deur die gelowiges en die wat die waarheid ken.
 
Hier sien ons ook duidelik dat dit 'n dwaal leer is wat verkondig sal word in die laaste tye. Dit is net jammer dat die satan die kerk gebruik om dit nou te probeer regverdig.

Die is maar twee verse uit die Bybel wat dit baie duidelik maak dat ons Christene MOET trou.
Daar is nog vele tekse uit die Bybel wat ons beveel om dit te doen.
Die mense moet net weer bietjie hulle Bybels begin lees.